தினகரனுக்கு குக்கர் சின்னம்; தனி கட்சி பெயரும் உறுதி; டெல்லி நீதிமன்றம் தீர்ப்பு !!!

தினகரன் இனி தனி கட்சி பெயரோடு இயங்குவார். அவருக்கு குக்கர் சின்னத்தை உறுதி செய்து தேர்தல் கமிஷனுக்கு உத்தரவிட்டு டெல்லி நீதிமன்றம் தீர்ப்பளித்துள்ளது .

அதிமுக வாக்குகள் சிதறுவது உறுதியாகி இருக்கிறது.

இதனால் யாருக்கு லாபம்?

திமுக வாக்கு வங்கி யாருக்கும் போகாது.    கமல் – ரஜினி இருவரும் குறி வைப்பது அதிமுக வாக்குவங்கியைத்தான்.

தேர்தல் நெருங்கும் சமயத்தில் மோடிக்கு இ பி எஸ் – ஓ பி எஸ் இருவரும் கொடுத்த வாக்குறுதி களை நிறைவேற்றி யாக வேண்டும் .    அது தேர்தல் கூட்டணி சம்பந்தமாகவே இருக்க வேண்டும்.

இப்படித்தானே வட கிழக்கில் கட்சிகளை உடைத்து பிரித்து ஆட்சிக்கு வந்தது  பா ஜ  க.

இந்த தந்திரம் தமிழகத்தில் பலிக்குமா?

பெரியார் மீது கையை வைத்து விட்டு அசிங்கப் பட்டுப் போன எச் ராஜா தனது முயற்சிகளை கைவிடப் போவதில்லை.     ஏனென்றால்   திராவிட இயக்க செல்வாக்கை குறைக்க வேண்டும் என்றால் பெரியாரை அவரது புகழை மாசு படுத்தினால் தான் முடியும்.

இப்போது தினகரனுக்கு கிடைத்திருக்கும் அங்கீகாரத்தால் பாதிக்கப் படப் போவது அதிமுக தான்.

நல்லது  நடக்கட்டும்.