எல்லாரும் பார்க்க வேண்டிய சீர்திருத்த சினிமா ‘கொளஞ்சி” !!!

எப்போதாவதுதான் நல்ல சினிமா வரும்.

அதையும் சதி செய்து விரட்டி விடுவார்கள். அதுதான் கொளஞ்சி சினிமாவுக்கும் நேர்ந்திருக்கிறது.

அப்பா மகன் உறவு-பிள்ளைகளை ஏன் அடிக்காமல் வளர்க்க வேண்டும். பிள்ளைகளின் முற்போக்கு சிந்தனைகள் எல்லாம் இந்த சினிமாவில் பேசப்படுகிறது.

மூடநம்பிக்கைகளை எதிர்த்து பிரச்சாரம் செய்கிறது.

அர்ச்சகரை எங்களை கருவறையில் உள்ளே விடுவீர்களா என்று கேட்டு அவரும் அது எப்படி என்று மறுப்பதை காட்டியிருப்பார்கள் .

பெரியார் – முருகன் படத்தை வீட்டில் வைத்திருப்பதை காட்டியிருப்பார்கள். அது பாஜகவின் எச். ராஜா கண்ணை உறுத்தி இருக்கும் போல. யாரும் கொளஞ்சி படத்தை பார்க்காதீர்கள் என்று அறிக்கை விடுகிறார்.

அதற்குப் பிறகுதான் எல்லாருக்கும் அதை பார்க்க வேண்டும் என்று தோன்றி இருக்கும்.

மூட நம்பிக்கை  ஒழிப்பு, சாதி ஒழிப்பு என்று படம் முழுக்க சீர்திருத்த கருத்துக்களை தூவி இருப்பார்கள்.

சமுத்திரகனி மட்டும்தான் பெயர் தெரிந்த நடிகர். ஒருவேளை ஸ்டார் வேல்யு இல்லாததால் ரசிகர்களின் கவனத்தை ஈர்க்க வில்லையோ என்று எண்ணத்  தோன்றுகிறது.

தமிழ் மக்கள் அவசியம் பார்க்க வேண்டிய படம் – பாடம்.

Share