Connect with us

கருத்துக் காமெடியன்கள் ஆகும் சினிமாத் தலைவர்கள் பட்டியலில் ரஜினி, கமல்?

Tamil-Nadu-politics-Kamal-Haasan-and-Rajinikanth

Latest News

கருத்துக் காமெடியன்கள் ஆகும் சினிமாத் தலைவர்கள் பட்டியலில் ரஜினி, கமல்?

வருவேன் வருவேன் என்று பயமுறுத்திக் கொண்டிருக்கும் ரஜினி ஆனாலும் சரி, வந்து  விட்ட கமல் ஆனாலும் சரி இவர்கள் ஒவ்வொரு பிரச்னையிலும் வெளியிட்டுக் கொண்டிருக்கும் கருத்துக்கள் அவர்களை காமெடியன்கள் ஆக தமிழக மக்கள் மத்தியில் மேலும் பிரபலப் படுத்திக் கொண்டிருக்கின்றன.

கமல் என்னதான் உளறிக் கொட்டினாலும் அப்படியே மக்கள் நம்பி விடுவார்கள் என எதிர்பார்க்கிறார்.

அச்சு அசலான பார்ப்பனீயத்தின் பிரதிநிதி கமல்.

எதிலும் பட்டுக் கொள்ளாமல் தான் எல்லாருக்கும் நெருக்கமானவன்  , நாத்திகன் ஆனால் ஆத்திகத்தை விமர்சிக்கவே மாட்டேன் , ஏனென்றால் என் சமூகம் கோலோச்சிக் கொண்டிருக்கும் ஏரியா அல்லவா ?    திராவிடம் உண்டு . ஆனால் திராவிடக் கட்சிகளுக்கு எதிரானவன். சபரிமலை விவகாரம் பற்றி கருத்து சொல்ல மாட்டேன் ஏனென்றால்  நான் அங்கே சென்றதில்லை. —–இப்படியெல்லாம் உளறிக்கொண்டிருக்கும் கமல் ஹாசன் ஒருபோதும் தமிழ் நாட்டு அரசியலில் வெற்றி பெற முடியாது.

ரஜினி;    90  சத வீதம்  கட்சி தொடங்கும் வேலைகள் முடிந்து விட்டன என்று சொல்லும் ரஜினி எந்த பிரச்னையிலும் உறுதியான கருத்தை சொன்னதே இல்லை. பேட்ட படம் வெளியாகும் வரை இன்னும் அவர் நிறைய பேசலாம். அதற்குப் பிறகும் அடுத்த படம் வரும்வரை பேசிக்கொண்டே இருப்பார்.  சபரிமலை யில் பெண்கள் போகலாமா என்றால் உச்சநீதி மன்றத்தின் தீர்ப்பையும் வரவேற்கிறாராமாம் அதே நேரத்தில் காலம் காலமாய் தொடர்ந்து வரும் சம்பிரதாயத்திலும் தலையிட கூடாதாம். இது எப்படி இருக்கு?

விஜய்; இன்னும் வரவில்லை. வந்தபின் என்ன சொல்கிறார் என்று பார்க்கலாம்.

சரத்; நெல்லையில் மகா புஷ்கரம் விழாவில் புண்ணிய நீராடியிருக்கிறார். எதிர்வரும் தேர்தல்களில் தனித்து நிற்பாராம். எதற்கு என்று மட்டும் சொல்லவில்லை. ஏன் தனி கட்சி நடத்துகிறார் என்பதை எப்போதாவது  விளக்கி இருக்கிறாரா? சாதிக் கட்சி நடத்துகிறேன் என்று வெளிப்படையாக சொல்லாத ஒரே ஒரு கண்ணியத்துக்காக மட்டும் பாராட்டலாம்.

கொள்கை சொல்லாமல் கட்சி நடத்த வருகிற எந்த நடிகருக்கும் எங்கும் ரசிகர் மன்றங்கள் இருக்க கூடாது. அதாவது மன்றங்கள் அரசியல் செய்யக் கூடாது.  மன்றங்களில் இருக்கும் தங்கள் பிள்ளைகளுக்கு பெரியவர்கள் விழிப்புணர்வு ஊட்டுங்கள்.

இதை அற வழியில் தமிழ் சமூகம் தடுக்க வேண்டும்.

இந்த அரசியல் காமெடியன்களை தடுக்க வேறு என்னதான் வழி??!!

Click to comment

Leave a Reply

Your email address will not be published. Required fields are marked *

More in Latest News

Trending

கண்டிப்பாக படிக்கவும்

To Top