anbumani-ramadas
திமுக- அதிமுகவுடன் பேசிவருகிறோம் என்று அன்புமணி ராமதாஸ் பேசியதாக தினத்தந்தி செய்தி வெளியிட்டது. இந்து தமிழ் அதிமுகவுடன் பாமக பேச்சுவார்த்தை என்று செய்தி வெளியிட்டது.
அதையடுத்து விமர்சனங்கள் எழுந்தன. நாமும் எழுதியிருந்தோம்.
இன்று மாலை பேட்டி கொடுத்த அன்புமணி தான் பேசாததை செய்தியாக வெளியிட்டதாக மறுத்திருக்கிறார். ஆனால் அந்த பேட்டியில் யாரோடு பேசி வருகிறோம் என்று கூட சொல்ல அவர் தயாராக இல்லை. பேசி வருகிறோம் என்றுதான் சொன்னேனே தவிர யாருடன் என்று கூறவில்லை என்கிறார்.
சொல்லாமல் எழுத தந்திக்கும் இந்து வுக்கும் என்ன அவசியம் வந்தது?
விளக்கம் தந்தவர் யாரிடம் என்றாவது சொல்லி இருக்கலாம். இல்லையென்றால் மருத்துவர் ராமதாஸ் அவர்களாவது அறிக்கை வெளியிட்டு இருக்கலாம்.
தான் முடிவெடுத்த பின் அறிவிப்பேன் என்று சொல்கிறாரே தவிர தான் இதுவரை சொல்லி வந்த திமுக அதிமுக வுடன் கூட்டு இல்லை என்ற நிலைப்பாட்டில் உறுதியாக இருக்கிறாரா இல்லையா என்பதையாவது சொல்லி இருக்கலாம். அதில்தானே பிரச்னை.
பாஜக அதிமுகவை மிரட்டி வருகிறது. அதிமுகவும் மிரண்டு பணியும் நிலையில் இருக்கிறது. அதில் யார் யார் எல்லாம் இடம் பெருவார்கள் என்பதில்தான் எல்லாம் இருக்கிறது.
குறைந்த பட்சம் இதுவரை பாஜக வின் மத்திய அரசை தமிழர் நலனை புறக்கணிக்கும் அரசு என்று விமர்சித்து வந்தவர்கள் இனிமேல் அந்த நிலைப்பாட்டில் நிலைக்கப் போகிறார்களா அல்லது தேர்தலுக்காக சமரசம் செய்து கொள்ளப்போகிறீர்களா இல்லையா? அதை மட்டும் சொல்லுங்கள்.
தேவநாதன் தாமரை சின்னத்திலும் கிருஷ்ணசாமி இரட்டை இலை சின்னத்திலும் போட்டி என்று செய்திகள்.
கத்தரிக்காய் முற்றினால் கடைக்கு வந்துதானே ஆகவேண்டும். அதற்கு பாமக மட்டும் விதிவிலக்கா என்ன!
This website uses cookies.