இந்தியாவில் 19569 மொழிகள்!!! புள்ளி விபரம் வெளியிட ஏன் இத்தனை தாமதம்?

கடந்த  2011  ம் ஆண்டின் கணக்கெடுப்பின் படி மொழிவாரியான ஆய்வு குறித்த தகவல்களை மக்கள் தொகை ஆணையர் அலுவலகம் வெளியிட்டுள்ளது .

அதில்தான்   121   கோடி மக்கள் தொகை கொண்ட இந்தியாவில் பத்தாயிரம் அல்லது அதற்கும் மேல் அதிகம் பேரால்  121  மொழிகள் அதிகளவில் பேசப்படுவதாகவும் எட்டாவது அட்டவணையில் இந்த  121 மொழிகள் இரண்டாக பிரிக்கப் பட்டு  22  மொழிகள் அட்டவணைப் படுத்தப் பட்டு  99 மொழிகள் அங்கீகரிக்கப் படாமல் உள்ளதாகவும் தெரிகிறது.

அட்டவணைப் படுத்தப் படாத மொழிகள்  2011 ல் ஒன்று குறைந்து 99 ஆக உள்ளது. முன்பு இது   100   ஆக இருந்தது.

19, 569  தாய் மொழிகள் இந்தியாவில் என்பது ஆச்சரியப் பட வைக்கிறது.

அதாவது 96.71  % பேர்  அட்டவணையில் உள்ள  22 ல் ஒன்றை தாய் மொழியாக கொண்டுள்ளனர்.  மீதமுள்ள  3.29 %  பேர் பிற மொழிகளை பேசுபவர்களாக உள்ளனர்.

அடையாளம் காணக் கூடிய மொழிகளாக  270  தாய் மொழிகள் உள்ளனவாம்.

இவற்றில்  123  மொழிகள் அட்டவணை இடப்பட்டபிரிவிலும் மீதமுள்ள  147 மொழிகள் அட்டவணைஇடப் படாத பிரிவில் உள்ளன.

எல்லா மொழிகளுக்கும் அங்கீகாரம் தர இயலாது என்பதற்காகவா  இந்தப் புள்ளி விபரம்  என்பது தெரியவில்லை.

பெரும்பான்மை பேச்சு வழக்கு மொழிகள் ஆக இருக்க வேண்டும்.

அட்டவணை படுத்தப் பட்ட மொழிகள் அலுவல் மொழிகளாக அங்கீகாரம் பெரும் நாளே நல்ல நாள்.