Connect with us

அன்புமணிக்கு அமைச்சர் பதவி கேட்டு மோடியை சந்தித்தாரா மருத்துவர் ராமதாஸ்?

Anbumani-ramadoss

தமிழக அரசியல்

அன்புமணிக்கு அமைச்சர் பதவி கேட்டு மோடியை சந்தித்தாரா மருத்துவர் ராமதாஸ்?

எழுவர் விடுதலை, காவேரி-கோதாவரி இணைப்பு, பாதுகாக்கப்பட்ட டெல்டா வேளாண் மண்டலம்  என்று பல கோரிக்கைகளுக்கு வடிவம் கொடுக்கத்தான் பிரதமர் மோடியை டெல்லி சென்று அன்புமணியுடன் சந்தித்த தாக பாமக நிறுவனர் மருத்துவர் ராமதாஸ் கூறினாலும் பலர் அவர் சந்தித்தது தன் மகன் அன்புமணிக்கு அமைச்சர் பதவி கூறித்தான் என்று சொல்கிறார்கள்.

இது ஒரு ஊகம்தான்.

ஆனால் மருத்துவர் பிரதமரை அவர் சென்னை வரும் நாள் முன்தினம் டெல்லி  சென்று பார்த்து இந்த கோரிக்கைகளை கொடுத்தார் என்பதுதான் கேள்விகளை எழுப்புகிறது.

பிரதமரும் நாளை சென்னை வரும்போது பாருங்கள் என்று கூறாமல் அனுமதி வழங்கி இருக்கிறார். பெரிய மனதுதான்.

அப்படி ஓர் கோரிக்கையை எழுப்பி இருந்தாலும் அதில் தவறு ஏதும் இல்லை.

ஆனால் அனு தினமும் மத்திய அரசை குறை கூறி  அறிக்கை வெளியிடும் ராமதாஸ் தன் வார்த்தைகளில் கண்டனத்தை மழுங்கச் செய்து விட்டிருந்தாலும் இத்தனை கேடுகளை செய்யும் மத்திய  அரசில் அனுபுமணி சென்று என்ன செய்து விட முடியும் என்பது தெரியாதா?

முன்பு அமைச்சராக இருந்தபோது என்னவெல்லாம் செய்து சாதனை செய்தார் என்று பட்டியலிட்டு கோரிக்கை வைத்திருக்க வாய்ப்பிருக்கிறது.

ஆப்பரேஷன் தமிழ்நாடு என்று திட்டம் தீட்டி செயல்பட தொடங்கி இருக்கும் பாஜக எந்த வணிகத்துக்கும் தயாராகவே இருக்கும்.

பகிரங்கமாக கோரிக்கை வைத்தால் இன்னும் பலர் போட்டிக்கு வந்து விடுவார்களே என்ற தயக்கம் கொஞ்சம் இருக்கலாம். இல்லாவிட்டால் பகிரங்கமாக கோரிக்கை வைக்கவும் தயங்க மாட்டார்.

உண்மை நெடுநாள் உறங்காது. வெளிவந்தே தீரும்.

Continue Reading
Click to comment

Leave a Reply

Your email address will not be published.

More in தமிழக அரசியல்

To Top