லவ் பண்ணு ,காதலியை கடத்தி தருகிறேன் என இளைஞர்களுக்கு உறுதியளித்த பா ஜ க எம் எல் ஏ ???!!!

மகாராஷ்டிரா பா ஜ க எம் எல் ஏ ராம்கதம்.
இவர் அந்த கட்சியின் செய்தி தொடர்பாளர் கூட
ஒரு ஜன்மாஷ்டமி நிகழ்ச்சியில் கலந்து கொண்டு
இளைஞர் களை ஊக்கப்படுத்தும் வகையில் பேசுகிறார்
” உங்கள் காதலி காதலை ஏற்க வில்லை என்று என்னிடம் வருகிறீர்கள்
நான் என்ன செய்வேன் . உங்கள் பெற்றோர் அவரை ஏற்றுக் கொள்கிறாரா
என்று மட்டும் பார்ப்பேன். ஏற்றுக்கொண்டால் உங்களுக்காக நான்
உங்கள் காதலியை கடத்தி உங்களிடம் ஒப்படைப்பேன்”.
இதுதான் ராம் கதம் அளித்த உறுதி.

அவர் மீது ஒரு சமூக அக்கறையாளர் புகார் கொடுத்து
அது பிணையில் வர முடியாத பிரிவுகளில்
வழக்கு பதிவாகியிருக்கிறது . நடவடிக்கை எடுக்க
நீதிமன்றம் உத்தரவிட வேண்டும்.
எடுப்பார்களா அது என்னவாகும் என்பதெல்லாம் இருக்கட்டும்.
நான் என்ன குறைந்தவனா என்று ஒரு காங்கிரஸ் அரசியல்வாதி
கதமின் நாக்கை வெட்டி வருகிறவர்களுக்கு பரிசு அறிவிக்கிறார்.
சம்பவம் முக்கியம் அல்ல.

எப்படியான ஆட்கள் எல்லாம் மக்கள் பிரதிநிதிகளாக அதுவும்
ஆளும் கட்சி உறுப்பினர்களாக வந்து விடுகிறார்கள்
என்பதுதான் கவலைக்குரிய விடயம்.
நடவடிக்கையை பா ஜ க எடுத்திருக்க வேண்டும்.
தகுதிக் குறைவானவர்கள் மக்கள் பிரிதிநிதிகள்
ஆவதை தடுத்தால் தவிர ஜனநாயகம் பிழைக்காது. ஏன் பிழைக்க வேண்டும்
நாங்களே பாசிச கட்சிதானே என்று பா ஜ க நினைத்தால்
குறைந்த பட்சம் மக்களாவது புரிந்து கொள்ளட்டும்.