பெண்கள் பாதிரியார்களாக தடை நீடிக்கும்?  போப் அறிவிப்பு??!!

கத்தோலிக்கர்களின் மத குருவான போப் வாடிகனில் இருந்து ஆட்சி  செய்து வருகிறார்.

கிறித்துவத்தில் பல பிரிவுகள்.     சமீபத்தில் போப்  பிரான்சிஸ்  ஸ்வீடன் சென்றிருந்தார்.    அவரை வரவேற்றவர் அங்குள்ள லுத்தரன் சர்ச்சின் தலைவரான ஒரு பெண்தான்.  ஒரு நிருபர் போப்பை நோக்கி கேட்ட கேள்வி இதைப்போல் உங்கள் கத்தோலிக் சர்ச்சில் எப்போது பெண்களை அனுமதிக்கப் போகிறீர்கள் ?

அதற்கு பதில் அளித்த போப்  பிரான்சிஸ் 1994 ல் போப் ஜான் பால் சொன்னதே இறுதியானது என்றார்.   அதாவது போப்  ஜான் பால் அப்போது பெண்களுக்கு பாதிரியார்கள் ஆகும் வாய்ப்பு இல்லை என்றார்.

கிறித்துவத்தின் பிற பிரிவுகளில் பெண்கள் அனுமதிக்கப் படும்போது கத்தோலிக்கர்கள் மட்டும் என் மறுக்க வேண்டும்?

பின்னாளில் யாராவது ஒரு போப் வந்து  இதை மாற்றம் செய்தால் மட்டுமே கத்தோலிக்க பெண்களுக்கு பாதிரியார்கள் ஆகும் வாய்ப்பு திறக்கும்.

மாற்றங்கள் பிறக்கட்டும்,    காட்சிகள் மாறட்டும்.