அதிர்ச்சியளிக்கும் மோடி தந்த வாராக் கடன் விபரங்கள் – குற்றவாளிகள் யார்?!

பிரதமர் மோடி அஞ்சலக வங்கி சேவையை தொடங்கி வைத்து பேசும்போது

அதிர்ச்சியளிக்கும் வங்கி கடன்களில் வாராக்கடன் பற்றிய விபரங்களை கூறினார்.

“ சுதந்திரம் அடைந்தது முதல் 2008 வரை வழங்கப் பட்ட வங்கிக்கடன்கள்
ரூபாய் 18 லட்சம் கோடி.
ஆனால் அடுத்த 6 ஆண்டுகளில் விண்ணைதொடுகின்ற அளவுக்கு
ரூபாய் 52 லட்சம் கோடி வங்கி கடன் தரப் பட்டு உள்ளன.
தொலைபேசி வாயிலாக அழைத்தே கூட சில கடன்கள் வழங்கப் பட்டன.

ஒரு குடும்பத்தின் உத்தரவின் பேரில்
குறிப்பிட்ட சிலருக்கு கடன்கள் வழங்கப் பட்டன.
திருப்பி செலுத்தாத பொது அவைகள் மறுசீரமைப்பு செய்ய
வங்கிகள் கட்டாயப் படுத்தப் பட்டன.
வாராக் கடன்களின் பின்னால் முந்தைய காங்கிரஸ் அரசு மறந்து கொண்டது.
1 லட்சத்து 75 ஆயிரம் கோடி ரூபாய் கடன்
வெறும் 12 பேருக்கு மட்டுமே வழங்கப் பட்டது.
மேலும் 27 பேர் 1 லட்சம் கோடி ரூபாய் கடனை வாங்கி கொண்டு
திரும்ப செலுத்த வில்லை. “

பிரதமர் மோடியின் இந்த குற்றச்சாட்டு காங்கிரசை மையப் படுத்தி இருக்கிறது.
இதற்கு பதில் கூறும் வகையில் ப. சிதம்பரம்
தனது ட்விட்டரில் ” நாங்கள் கொடுத்ததாகவே இருக்கட்டும் .
அதில் எத்தனை கடன்களை வசூலிக்க தற்போதைய அரசு நடவடிக்கை எடுத்தது. ?
எத்தனை கடன்களை மீண்டும் கொடுத்தது ஏன்?
அவர்களுக்கு இந்த அரசு சலுகைகளை நீட்டித்தது ?”
என்றெல்லாம் கேள்விகளை எழுப்பியிருக் கிறார்.
இவைகளில் இருந்து ஒரு உண்மை மட்டும் வெளிவருகிறது.
யார் ஆட்சியில் இருந்தாலும் அதில் பலன் பெறுபவர்கள்
பெரு முதலாளிகள் மட்டுமே என்பதுதான் அந்த உண்மை.

சாதாரண விவசாயி ஒரு டிராக்டர் கடன் வாங்கி
ஒரு தவணை பாக்கி வைத்தால் ஜப்தி செய்யும் வங்கிகள்
ஏன் இந்த பெரு முதலாளி மோசடிக்காரர்கள் மீது
கடும் நடவடிக்கை எடுக்க வில்லை என்பதை விளக்குவார்களா?
எத்தனை சட்டங்கள் இருக்கின்றன வங்கி நிதி ஒழுங்கு படுத்த
அத்தனையும் ஒரு சிலரின் கொள்ளைக்குத்தானா?
சட்டங்களையும் மறு சீரமைப்பு செய்ய வேண்டும்.
வங்கி நடவடிக்கைகள் பொது வெளியில்
பகிரங்கமாக வெளியிடப் பட்டால்தான்
இந்த மோசடிகள் முடிவுக்கு வரும்.