ராணுவ சீருடையில் தேர்தல் பிரச்சாரம் செய்த பாஜக தலைவர் ?!

சொல்வது ஒன்று செய்வது மற்றொன்று- இதுதான் பாஜக.

நம்பவே முடியாத கட்சி என்று பாஜக பெயர் எடுக்கவும் இதுதான் காரணமா.

பாகிஸ்தான் உடன் ஆன போரை அரசியல் ஆக்க வேண்டாம் என்று பேசியதும் பாஜக தான்.

போரை வைத்து 22  இடங்களில் வெல்வோம் என்று எடியூரப்பா பேசியபின் நேற்று டெல்லியில் பாஜக தலைவரும் பாராளுமன்ற உறுப்பினரும் ஆன மனோஜ் திவாரி ராணுவ சீருடை அணிந்து இரு சக்கர வாகனத்தில் கட்சிக் கொடியேந்தி தேர்தல்  பிரசாரம் செய்திருக்கிறார்.

ராணுவத்தை அவமதித்து விட்டார் என்று எதிர்ப்பு எழுந்தது.

கடும் எதிர்ப்பு எழுந்ததை அடுத்து விளக்கம் சொன்னவர் நேரு உடை அணிந்தால் நேருவை அவமதிப்பது ஆகுமா என்று எதிர்கேள்வி எழுப்பினார்.

இதுதான் பாஜக. அவர்கள் எது செய்தாலும் தவறில்லை. மற்றவர்கள் 350  பேர் ராணுவ தாக்குதலில் இறந்ததற்கு என்ன ஆதாரம் என்று கேட்டால் ராணுவத்தை அவமதிக்கிறீர்கள் என்று பிரதமர் குற்றம் சாட்டுகிறார்.

ராணுவ வெற்றியை கொண்டாடி தேர்தலில் வெற்றி பெற பாஜக எடுக்கும் முயற்சிகள் ஒருபோதும் வெற்றி பெறப்போவதில்லை.