சமஸ்கிருதத்துக்கு பல்கலைக்கழகங்களில் முக்கியத்துவம் தரும் பாஜக அரசு???!!!

சமஸ்க்ரிதத்தை எப்படியாவது எல்லா பல்கலைக்கழகங்களிலும் திணித்து விட மத்திய பாஜக அரசு உறுதி பூண்டுள்ளது.

மத்திய மனிதவள அமைச்சகம் இதற்கு செயல்வடிவம் கொடுத்துள்ளது.

ராஷ்ட்ரிய சமஸ்க்ரித சந்ஸ்தான் மற்றும் லால் பகதூர் சாஸ்திரி ராஷ்ட்ரிய வித்யா பீடம் இரண்டும் இணைந்து தேசிய அளவில் சமஸ்க்ரிதத்தை மேம்படுத்தும் நோக்கில் மத்திய அரசின் கீழ் வரும் 41 பல்கலை கழகங்களில் இந்த செயல் திட்டத்தை உடனடியாக நடைமுறைபடுத்த நாடாளுமன்ற சிறப்பு சட்டம் ஒன்றை கொண்டு வரவும் திட்டம் இடப்பட்டுள்ளது.

இங்கெல்லாம் சமஸ்க்ரித இளங்கலை முதுகலை வகுப்புகள் துவங்கவும் மாணவர்களுக்குக் சிறப்பு சலுகைகள் தர வழி வகுக்கும்.

2014-ல் முன்னாள் தேர்தல் ஆணையர் கோபால்சாமி தலைமையில் சமஸ்க்ரித மேம்பாட்டு திட்டத்தை அவர் கொடுத்திருந்தார். அவர் பரிந்துரைகள் இப்போது அமுல் படுத்தப் பட போகின்றன.

கேந்திர வித்யாலயா பள்ளிகளில் ஜெர்மன் மொழிக்கு பதிலாக அண்ட் இடத்தில் சமஸ்க்ரிதத்தை கட்டாய மொழியாக ஆக்கினர்.

ஸ்மிருதி இரானி மனிதவள துறை அமைச்சராக இருந்தபோது ஐஐடி-க்களில் சமஸ்க்ரித ஆய்வேடுகள் குறித்து புதிய பிரிவு ஒன்றை துவக்க ஆணை இட்டிருந்தார். அதை இப்போது அமுல்படுத்த மத்திய அரசு திட்டம் இட்டுள்ளது.

அமைச்சர் பிரகாஷ் ஜவடேகர்,  இது ஒன்றும் பிற மொழிகளுக்கு எதிரான நடவடிக்கை  அல்ல என்று கூறியிருந்தார். சில மத்திய பல்கலைகழகங்கள் உருது மொழிக்கு முக்கியத்துவம் கொடுப்பது போன்று தற்போது சம்ஸ்க்ருததுக்கும் முக்கியத்துவம் கொடுக்கப்பட்டுள்ளது என்று அவர் கூறினாலும் ஏன் இதே போன்ற முக்கியத்துவம் பிற மொழிகளுக்கு கொடுக்க கூடாது என்பதற்கு விளக்கம் ஏதும் அவர் தரவில்லை.

41 பல்கலை கழகங்களில் சமஸ்கிருதம் வளர்க்கப்பட மட்டும் அல்ல டெல்லி ராஷ்ட்ரிய சம்ஸ்க்ருத சந்ஸ்தான் இந்தியா முழுதும் 60 க்கும் மேற்பட்ட கல்வி  நிலையங்களை நடத்தி வருகிறது. இது மத்திய அரசின் கீழ் வரும் நிறுவனம்.        2015-லேயே பல்வேறு கல்வி நிறுவனங்களில் சமஸ்க்ரித வகுப்புகள் துவங்க மத்திய அரசு வலியுறுத்தியதும் குறிப்பிடத் தக்கது.

எல்லாம் சரி. சமஸ்க்ரிதம் படித்த எல்லா சாதி மாணவர் களுக்கும் இதனால் வேலை  வாய்ப்பு அதிகரிக்குமா? அல்லது அவர்களை வர்ணாசிரம தர்ம அடிமைகளாக உருவாக்க மட்டுமே இது பயன்படுமா?

மத்திய அரசின் மொழி வளர்ச்சி நிதி எல்லா மொழிகளுக்கும் சரி சமமாக வழங்கப் படுகிறதா?